BAAMONDE SANMIGUEL, HILARIÓN (A Pobra do Caramiñal, 21/10/1877 - ?)

Frade franciscano, tomou o hábito en Santiago o 31 de xullo de 1894 e estivo de misioneiro en Xerusalén, onde chegou a ser Discreto da Santa Custodia. Á parte de artigos na revista <El Eco Franciscano>, publicou dous sermóns: Solemne Via-Crucis predicado en la Vía Dolorosa de Jerusalen a los peregrinos españoles el 28 de marzo de 1909, e Sermón de las Siete Palabras predicado en la basílica del Santo Sepulcro a los peregrinos españoles el 28 de marzo de 1909 (Barcelona, Tip. Católica, 1909).
No rexistro civil da Pobra figura como fillo de Emilio Vaamonde Abal e de Socorro Sanmiguel Mariño, o primeiro natural da vila e a segunda da parroquia de Posmarcos. Xa que logo o seu apelido debe grafarse Vaamonde, que é o máis correcto etimoloxicamente.