CAIRO
ANTELO, XOSÉ MANUEL (Noia,
30/01/1945)
Este poeta deuse a coñecer en 1991 co folleto
Esas mans (Noia, Casa da Cultura), prologado por Antón
Avilés de Taramancos. O autor é Doutor en Medicina.
Como mostra do seu labor poético reproducimos o poema “A
miña semente”:
A MIÑA SEMENTE
Quero,
na soidade,
emborcarme
en vós,
e que o meu silencio
esperte
a ninguén;
quero deixar
no voso cabezal
a semente
da miña ausencia.
Xa a finais de 1999 publicou un novo poemario titulado Impreciso
xermolar dos renovos (A Coruña, Galinova), que o autor
fixo como homenaxe a Tomás Barros e a Avilés de Taramancos,
que leva un limiar de Plácido Lizancos Santos.