COBAS RODRÍGUEZ, JOSÉ (Noia, 1838- 1885)

Perito agrimensor, músico afeccionado que dirixiu unha banda de música de creación propia, foi autor das zarzuelas, que permanecen inéditas, tituladas La adoración de los rexes, José o los hijos de Jacob (1881) e Los calaveras arrepentidos, e tamén do xoguete lírico El maestro de escuela, que foi estreado en Noia en 1881. En 1880 foi elixido director da Sociedade Coral Orfeón Noyés. As súas obras dramáticas, das que tamén realizou a partitura musical, foron estreadas pola Sociedade de Declamación Noyesa e polo Casino de la Unión Noyesa en 1881.
Colaborou nos xornais <El Tambre> e <El Zumbido>.