DOMÍNGUEZ
REI, ANTONIO (Rianxo, 05/04/1945)
Aínda que algunhas fontes como GEG o fan natural de Pontevedra,
é natural da vila de Rianxo.
Doutor en Lingüística Hispánica. Viviu durante
anos en Francia, para á súa volta exercer
como profesor titular da Universidade Nacional de Educación
a Distancia. Ademais dunha obra importante en castelán, publicou
os poemarios galegos Lúa loura (París, A Lareira,
1984), Fendas (A Coruña, Espiral Maior, 1991) e Eidos da
mirada (A Coruña, Espiral Maior, 1994).
Entre os seus ensaios cómpre destacar o titulado “Última
poesía gallega”, publicado na revista <Zurgai> en 1993.
Como poeta en castelán é autor de Garlopa marina (Madrid,
Rialp, 1974), Gremor (Madrid, Dante, 1974), La voz y su vacío
(Talavera de la Reina, autor,1980), Lúrido Ocelo (1983),
Gluma (Madrid, Playor, 1987) e Como rostro que surge (Madrid, Juan
Pastor, 1999).
Publicou ademais o ensaio El signo poético (Madrid, Playor,
1987) ademais de dedicar a Valle-Inclán o traballo “Selva
panida, visión estética del Modernismo” (<Cuadernos
Hispanoamericanos>, nº 438, 1986).
Parte da súa obra foi traducida ao francés, ao inglés,
ao romeno e ao macedonio. Colaborou en revistas e xornais como <El
País>, <Ínsula>, <Nuevo Índice>,
<Syntaxis>, <Informaciones> e <Nueva Estafeta Literaria>.
Entre os seus ensaios en castelán importantes cómpre
citar Antonio Machado (Madrid, Edaf, 1979), Novema versus Povema.
Pautas líricas del sesenta (Madrid, Torre Manrique, 1987),
Gramática pictórica (1987), Antología de la
poesía medieval española (Madrid, Narcea, 1981), Masaje
del mensaje. Lingüística semiótica (Madrid, Torre
Manrique, 1988) e La llamada exótica. El pensamiento de Emmanuel
Lévinas (Eros, gnosis, poíesis) (Madrid, Trotta, 1997).
É tamén un especialista no obra poética de
Ángel García López (1935), do que prologou
12 poemas comentados (Béjar, If & El Sornabique, 1999)
e Antología poética: 1963 – 1979 (Barcelona, Plaza
& Janés, 1980).
Como mostra da súa poesía ofrecemos o texto XIX da
terceira parte de Eidos da mirada:
E quizais morrer sexa
manter a vida xebre
sen esgallala nunca
do seu centro: o presente.