FIGUEIRIDO-POU, PAULINO (A Pobra do Caramiñal, 28/03/1949)

Nado na Pobra do Caramiñal, emigrou a Nova Iorque en 1970, cidade na que se fixo bacharel (1985) e licenciado en Antropoloxía (1993). A súa tese “El amenazado pasado precolombino de Oaxaca” serviu de base ao seu libro Saqueando el pasado de las Américas (New York, 1998), que editou en versión inglesa e castelá e no que estuda o problema do saqueo dos xacementos arqueolóxicos precolombinos e que deseñou para concienciar aos pobos afectados de que están vendendo a súa historia e destrozando o seu pasado cultural. Nótase que a versión castelá da obra se fixo sobre a versión inglesa, pois a lingua está moi contaminada polo inglés.