Dicionario
de autores/as do Barbanza |
PATIÑO, ÁNGEL (A Pobra do Caramiñal, 1735 – Santiago, 1812) O seu nome completo era Ángel José Patiño de Reloba, e foi cardeal da Igrexa Compostelana. Publicou en 1779, en Santiago, a obra titulada Angelus Josephus Patiño Altaris S. Jacobi Majoris ex Beneficio Minister, in grati animi signum, varietate Theseon Historico-Moralium intertextum, suscipit dilucidandum Jubilaeum Plenissimum, ab Alexandro III. P. Optimo, Maximo, Basilicae Compostellanae indictum saeculo XII. sub sequenti forma verborum. Obra na que colabora José García Caballero. Á súa conta erixiuse a capela do Nazareno
na Igrexa de Santiago de Deán, á porta da cal aínda
se conserva unha cartela coa seguinte inscrición: En 1778 consta xa que era catedrático de Teoloxía Moral na Universidade de Compostela, pois como tal actuou no tribunal de oposicións á cátedra de Teoloxía dese ano, segundo consta nun impreso editado ese ano por Aguayo co título: Señor: Titulos, y actos positivos, hechos en la Real Universidad de Santiago por los opositores á una de las quatro Cathedras de Theologia, vacante por ascenso de el Doct. D. Josef Saenz Bazan, á la que se há egercitado conforme al nuevo metodo, siendo Jueces del Concurso, nombrados por el Claustro los Doctores, y Cathedraticos por S. M., D. Angel Joseph Patiño, de Theologia Moral, Don Pedro Antonio Sanchez, y Maestro Fr. Joachin Fontenla, de el Orden de San Agustin, de Theologia Escolastica. Nacera na Pobra do Deán e foi bautizado o dous de marzo de 1735. Era fillo de Benito de Obreiro Patiño e de Ana García de Reloba. Parente dos cóengos da Catedral de Santiago Fernando e Juan de Carantoña e Juan Patiño Guiance, así coma do cóengo de Iria, Pedro Antonio Patiño, e do dominico Cayetano Patiño e ademais dos condes de Maceda e Medina. Pasante do colexio de San Clemente de Compostela entre 1759 e 1768, foi bacharel en filosofia en 1754 e en teoloxía en 1758. Licenciado e Mestre de Artes en Santiago en 1765, residiu en Madrid entre 1769 e 1761, onde opositou sen éxito á Penitenciaría de San Isidro e interveu na edición da vida do bispo Juan de San Clemente. O dous de abril de 1770, por nomeamento Real, optivo o cargo de Racioneiro Prebendado de Santiago, licenciándose en Teoloxía o 17 de xaneiro de 1771 e poucos días despois doctorouse na mesma Universidade de Santiago, gañando ese ano a Cátedra de Prima de Teoloxía. Xubilouse en 1805, pero aínda foi membro de Tribunais de Oposicións en 1806. Doou, á súa morte, a súa biblioteca á Universidade de Santiago. Foi tío de Joaquín María Patiño, que en realidade era Joaquín González Patiño, que chegou a opositar á mesma cátedra que o seu parente. Tomou posesión como cóengo cardeal en 1786, substituíndo a Páramo y Somoza, preconizado ao bispado de Lugo. Xubilouse no Cabido de Compostela en 1810, falecendo dous anos despois. |
|||||