Dicionario
de autores/as do Barbanza |
PÉREZ
GÓMEZ, JOSÉ JUAN. (A
Pobra do Caramiñal, 13/01/1891 – Bos Aires, 1947?) Exiliado trala Guerra Civil (era irmán do derradeiro alcalde republicano da Pobra) sobreviviu na Arxentina en medio de graves dificultades económicas e, segundo testemuño de Carmen Muñoz, intentou suicidarse en 1946, falecendo meses despois dun cancro de pulmón. En Bos Aires publicou varios libros divulgativos co pseudónimo “José Barbanza”, entre eles as biografías San Ignacio de Loyola e Juana de Arco. Co pseudónimo “Juan Caramiñas” fixo unha adaptación dos Viajes de Marco Polo, ademais dunha adaptación de Oliver Twist de Charles Dickens. Tamén co primeiro dos pseudónimos publicou as obras divulgativas Animales prehistóricos e Psicología animal. Todas estas obras saíron nas coleccións da editorial Atlántica que dirixía o seu amigo Rafael Dieste. Foi tamén narrador, eido no que publicou a novela Margarita de Asís e deixou moitas poesías espalladas en xornais como <Galicia>, o xornal dirixido por Paz-Andrade en Vigo nos anos vinte. Na Guerra Civil foi moi coñecido o seu poema a prol da República titulado “¡Pueblo inmortal de España!”, que se publicou na revista <Galicia> de Bos Aires. O xornalista Manuel de la Fuente reproduciu un interesante poema de Caramiñas datado en 1920 que merece a pena recordar:
Pero en vano me inquieto con mi anhelo, Mujer de luz y melodía casta, No xornal <Galicia> publicou varios artigos nos anos 1923 e 1924, dos que podemos citar: “Retazos. Un consejo al Sr. Gasset”, (nº 229, 19 – 04 – 1923), “La niña clorótica y el grano” (nº 231, - 21 – 04 – 1923), graciosa sátira sobre a política local da Pobra, “En torno a Ramón Cabanillas” (nº 351, 16 – 09 – 1923), entre outros. En 1924, no nº 447 do seis de xaneiro publicou o poema “Visión nocturna”, dedicado a Compostela, que é un dos mellores dos seus, e que reproducimos: En los claros de nubes Anunciara outro poemario, titulado Jardín nostálgico, do que adiantou tres poemas na revista viguesa <Vida Gallega>, en 1920. Entre 1935 e 1936 administrou a liña de transporte entre a Pobra e Noia. |
|||||