SIEIRA, ANDRÉS (Abanqueiro, Boiro, 1769 – Herbón, Padrón, 1841)

Ingresou como frade franciscano en Santiago en 1784 e logo de ordenarse sacerdote pasou ao Colexio Maior de Pasantes de Alba, tras gañar oposición en Salamanca en 1793, colexio do que chegou a ser secretario. En 1797 optivo por oposición a Lectoralía de Artes da Coruña, pasando logo a Herbón, convento do que foi dúas veces superior, nos períodos 1809 – 1813 e 1817 – 1820. En 1835 pasou a vivir á súa parroquia natal por mor da exclaustración provocada polas leis desamortizadoras. Foi predicador moi famoso na súa época.

Escribiu Documento y carta del R.P. Lector y Predicador Apostólico Fr. Andrés Sieira aún R.P. Maestro de otra Orden, con solución a algunos reparos sobre la doctrina de la V.M. María de Jesús de Agrela, dada por la comunidad de misioneros de Herbón.