Este venres, día 11 de xaneiro, a Casa da Gramática do IES Virxe do Mar de Noia e a asociación cultural Barbantia, presentan o número 30 da Revista e mais o libro Voces na Historia, onde se recollen as actas da V Semana da Historia de Noia, organizadas, en colaboración co Concello de Noia, na pasada primavera. No acto, que se desenvolverá ás 20:30 horas na aula Álvaro de las Casas, do IES Virxe do Mar, falarán Xerardo Agrafoxo, historiador e socio de Barbantia, o alcalde de Noia, Rafael G. Guerrero e a concelleira de cultura, Loli Caramés.
