Presentación en Boiro de “Contos da terra da tarde”, de Bieito Iglesias

A Asociación Cultural Barbantia, La Voz de Galicia, Editorial Galaxia e o Concello de Boiro convídanvos á saída do número 74 do suplemento cultural A Voz de Barbantia, así como á presentación do libro Contos da terra da tarde, de Bieito Iglesias.
O acto terá lugar o venres 27 de abril, ás 20:30 h., no Salón de Actos do Centro Social de Boiro, e nel estarán presentes, amais do autor, Xesús Laíño, presidente de Barbantia, Xosé Ricardo Losada e Helena Teixeira, concelleira de cultura.
A continuación do acto terá lugar o concerto David Lojo Quartet, na Estación Leñaverde.