Cantares Gallegos por Rosalía Castro e Murgía

A Asociación Cultural Barbantia, a Asociación de Escritores en Lingua Galega, La Voz de Galicia, e o Concello de Noia convídante á saída do número 82 do suplemento cultural A Voz de Barbantia, á lectura pública no DÍA DE ROSALÍA e á conferencia do profesor Xesús Alonso Montero: Significado no seu tempo e no noso de Cantares gallegos, de Rosalía de Castro, nun acto que terá lugar o sábado 23 de febreiro, ás 19:00 horas, na Casa da Cultura de Noia e no que estarán presentes, amais do conferenciante, Xesús Laíño, Presidente de Barbantia; Blanca-Ana Roig Rechou, directora de proxectos de investigación do Centro Ramón Piñeiro e Rafael García Guerrero, alcalde de Noia.

Febreiro de 2013

CASA DA CULTURA ANTÓN AVILÉS DE TARAMANCOS
Rúa Corredoira Luís Cadarso, s/n
CONCELLO DE NOIA

María Teresa Alvajar López. Memorias dunha republicana

A Asociación Cultural Barbantia, a Comisión pola Recuperación da Memoria Histórica do Barbanza, La Voz de Galicia, Edicións Laiovento, e o Concello de Rianxo convídante á saída do número 81 do suplemento cultural A Voz de Barbantia, así como á presentación da obra “María Teresa Alvajar López. Memorias dunha republicana”, de Aurora Marco, nun acto que terá lugar o venres 25 de xaneiro, ás 20:30 horas, no Auditorio de Rianxo e no que estarán presentes, amais da autora, Francisco Pillado, Director de Laiovento; Xoán Hermida, Presidente da CRMHB; Xesús Laíño, Presidente de Barbantia; Che Tembra, artista; e Adolfo Muíños, Alcalde de Rianxo.
No mesmo acto terá lugar a proxección do vídeo “Teresa Alvajar. Compromiso e paixón pola Terra”, de Pablo Ces. Previamente procederase á inaguración da exposición de “Escultura en Ferro” do rianxeiro Che Tembra.

Anuario de estudos do Barbanza 2012

A Asociación Cultural Barbantia, La Voz de Galicia, a Deputación da Coruña e o Concello de Lousame convídante á saída dun novo número do suplemento cultural A Voz de Barbantia, así como á presentación do ANUARIO DE ESTUDOS DO BARBANZA 2012, nun acto que terá lugar o sábado 15 de decembro, ás 12:30 horas, na Casa da Cultura de Lousame, e no que estarán presentes o coordinador do anuario, Manuel Cartea; o presidente de Barbantia, Xesús Laíño e a alcaldesa de Lousame, Teresa Villaverde Pais.
Ao remate da presentación do volume, entregaranse os PREMIOS BARBANTIA DA CULTURA 2012.