A Asociación Cultural Barbantia, La Voz de Galicia, Editorial Xerais, e o Concello de Noia convídante á saída do número 77 do suplemento cultural A Voz de Barbantia, así como á presentación da obra Trampa de luz, de Agustín Agra, nun acto que terá lugar o venres 28 de setembro, ás 20:30 horas, na Casa da Cultura Antón Avilés de Taramancos, Rúa Luís Cadarso, s/n, e no que estarán presentes, amais do autor, Milagros Torrado, Secretaria de Barbantia; Xesús Laíño, Presidente de Barbantia; e Rafael García Guerrero, Alcalde de Noia

A Asociación Cultural Barbantia, La Voz de Galicia e o Concello de Rianxo convídante á saída do número 76 do suplemento cultural A Voz de Barbantia, así como á presentación do primeiro volume da “Obra Completa Manuel Antonio”, editada conxu…ntamente pola Real Academia Galega e a Fundación Barrié, nun acto que terá lugar o venres 29 de xuño, ás 20:30 horas, no Centro Sociocultural – Auditorio de Rianxo, e no que estarán presentes Xosé Luis Axeitos, editor literario; Diego Rodríguez, bibliotecario da Fundación Barrié; Xesús Santos Suárez, escritor e socio de Barbantia; e Adolfo Muíños, Alcalde de Rianxo

Barbantia colabora no III SEMINARIO SOBRE A MEMORIA: A GUERRILLA E OS CAMPOS DE CONCENTRACIÓN que se vai celebrar os días 1, 2 e 3 de xuño deste ano no Barbanza. Convidámosvos a participar neste III Seminario e ofrecémosvos toda a información sobre o mesmo.III SEMINARIO SOBRE A MEMORIA: A GUERRILLA E OS CAMPOS DE CONCENTRACIÓN

Achegamos información a propósito do III SEMINARIO SOBRE A MEMORIA: A GUERRILLA E OS CAMPOS DE CONCENTRACIÓN, que se celebrará na primeira fin de semana de xuño en Melide-Rianxo e noutras localidades da Península do Barbanza e da ría de Muros.
No desenvolvemento desta actividade de formación, con certificación oficial, visitaranse os espazos nos que existiron campos de concentración na zona durante o franquismo, e actuará como guía da expedición talvez un dos últimos guerrilleiros vivos, FRANCISCO MARTÍNEZ (QUICO).
Contarase, igualmente, con testemuños directos. O especialista na resistencia antifranquista XAQUÍN YEBRA, así como os estudosos dos campos de concentración na zona, XESÚS COSTA e XESÚS SANTOS, serán os responsables da contextualización histórica do fenómeno.
Na páxina oficial de Nova Escola Galega pode consultarse o PROGRAMA en detalle da actividade, e tamén pode localizarse a ficha de inscrición , aínda que estes documentos figuran tamén como anexos a esta mensaxe de correo.
As prazas son limitadas e asignadas por estrita orde de inscrición. Para aqueles socios e socias de Barbantia que non vaian inscribirse e queiran participar igualmente nas distintas actividades (conferencias, excursións, xantares…) deben anotarse no enderezo electrónico: pastor@barbantia.org para facer unha previsión dos asistentes, antes do 28 de maio.