O Concello da Rianxo, a editorial Galaxia, Barbantia e La Voz de Galicia, presentaron o libro de poemas Os hemisferios, da escritora María do Cebreiro, así como un novo número do suplemento cultural A voz de Barbantia,

O acto contou coa participación de Pedro Piñeiro, alcalde de Rianxo; Xosé R. Losada, secretario de Barbantia; Paulino Vázquez, escritor, e mais a autora do libro, e tivo lugar o venres 26 de xaneiro, ás 20’30 h., na Casa Cuartel de Rianxo.

Barbantia presentou en Porto do Son o libro de poesía Desconcerto, de Eva Veiga, así como o número 20 do suplemento cultural A Voz de Barbantia. Inaugurouse tamén a exposición de pintura Voces na Guerra, de F. Blanco Alcaide.

O acto tivo lugar o venres, 15 de decembro, ás 20.30 h., na Casa de Cultura de Porto do Son e contou coa participación da autora; Xoán Pastor Rodríguez Santamaría, concelleiro de Cultura; Alfonso Costa, pintor e autor das ilustracións; Carmela González, directora da colección Mandaio; e Alberto Piñeiro, socio de Barbantia.

Barbantia, o Concello de Lousame e La Voz de Galicia, presentaron en Lousame o nº 2 do ANUARIO DE ESTUDOS DO BARBANZA, así como un novo número do suplemento cultural A Voz de Barbantia.
O acto contou coa participación de Santiago Freire, alcalde de Lousame; Teresa Villaverde, concelleira de Cultura; Celestino Poza, Presidente da Comisión de Cultura da Deputación da Coruña; Charo López, socia de Barbantia, amais dos escritores X. Ricardo Losada e Carlos Mosteiro, directivos da Asociación; e tivo lugar na Casa de Cultura de Lousame, o venres, 24 de novembro, ás 20’30 h. Ao remate da presentación, MIKHAIL MORIATOV ofreceu un concerto de música clásica.