O venres 27 de outubro, Barbantia, en colaboración con La Voz de Galicia, o Concello de Noia e mais Edicións Xerais de Galicia, presentou o último premio Merlín de literatura infantil “O tesouro da lagoa de Reid ‘Is” do noso socio Agustín Agra, así como o número 18 do suplemento A voz de Barbantia. O acto tivo lugar ás 20’30 h., na Casa de Cultura “Antón Avilés de Taramancos” de Noia.

O sábado 28 de outubro, ás 12’00 h., no Auditorio Municipal de Ribeira, tivo lugar o II ENCONTRO DE CREADORES NO BARBANZA e presentouse o libro homenaxe á cidade de Ribeira “LUCES NA CIDADE“, editado por Barbantia e mais o concello.

IV SEMANA DA CULTURA GALEGA ACTUAL
“LITERATURA E GUERRA CIVIL”
Días 19, 20 e 21 de Outubro
Casa da Cultura “Ramón Martínez López” (Boiro)

Xoves 19 de Outubro
20’00 h.
Inauguración das xornadas a cargo de Luís Bará, Director Xeral de Creación e Difusión Cultural, Xerardo Piñeiro, concelleiro de Cultura e mais Alberto Piñeiro, membro de Barbantia e coordinador das xornadas.
Actuación Musical de Carme Tubío (Celo).
Presentación do libro editado por Barbantia e mais o Concello de Boiro “UN RÍO DE SANGUE E TINTA”, de Pastor Rodríguez e Román Arén, no que están catalogadas todas as obras narrativas galegas sobre a Guerra Civil.
Mesa Redonda: “Literatura da Guerra Civil na posguerra e no exilio”, con Xosé Luís Axeitos Agrelo, Claudio Rodríguez Fer, Xesús Laíño e Pastor Rodríguez, que actuará coma moderador.
21’30 h (Centro Social)
Inauguración da exposición de pintura “Voces na Guerra”, de F. Blanco Alcaide, feita ex professo para ilustrar o libro do mesmo nome que edita Barbantia.

Venres 20 de Outubro
20’30 h.
Actuación musical de Gabriel Riveiro “Belito” (Acordeón)
Mesa Redonda: “A guerra na ollada do escritor”, con Xavier Alcalá, Agustín Fernández Paz, Suso de Toro e Dolores Vilavedra, que actuará coma moderadora.

Sábado 21 de Outubro
12,30 h.
Actuación musical de Francisco Javier España (Saxo)
Presentación do libro editado por Barbantia e mais o Concello de Boiro “VOCES NA GUERRA”, un conxunto de relatos nos que 19 autores sitúan os seus textos no Barbanza e na época da Guerra Civil.
Peche da Semana
Eva Veiga, poeta, Xosé Deira Triñanes, alcalde de Boiro e Antón Riveiro Coello, presidente de Barbantia.

O venres 29 de setembro, ás 20’30 h., no Auditorio de Ribeira, Barbantia presentou o seu suplemento cultural A Voz de Barbantia e mais a última novela de Suso de Toro, HOME SEN NOME. Acompañaron ao autor, Ramón Ares, Delegado da Voz de Galicia no Barbanza, Luciano Fernández, concelleiro de Cultura de Ribeira, e mais os socios de Barbantia Xerardo AgraFoxo e Suso Laíño, que mantiveron unha conversa co autor da novela. Tamén se anunciaron novas actividades da asociación para o outono.