ACTOS NA HONRA DOS IRMÁNS ÍNSUA no Centenario do Nacemento de Manuel Rodríguez Castelao.
CASA DE CULTURA “CUARTEL VELLO”- RIANXO. Sábado 17 de decembro, a partir das 11 h.
Os actos iniciaranse cunha ofrenda floral no cemiterio de Rianxo (11 h.), de seguido inaugurarase a Rúa Irmáns Ínsua (actual Nova Apertura, na confluencia con Rinlo) e, finalmente, desenvolverase unha mesa redonda no Salón de Actos da Casa de Cultura “Cuartel Vello”, coas intervencións de D. Pedro Piñeiro Hermida (Alcalde de Rianxo), D. Celestino Poza (Presidente da Comisión de Cultura da Deputación Provincial da Coruña), D. Xesús Santos Suárez (poeta e historiador local), Dª Conchita Nogueira Agra (Filla de Ángel Nogueira e Carmen Agra, mártires do bou Eva), Dª Dolores Romay Tubío (afillada de Manolo Rodríguez Castelao) e D. Antón Riveiro Coello (Presidente de Barbantia).

O secretario de Barbantia e profesor de filosofía, Xosé Ricardo Losada, presentou “O xene da Chuvia“, o seu primeiro libro de relatos. O acto tivo lugar en Rianxo, o pasado 9 de decembro, na Casa de Cultura “Cuartel Vello”, e parciparon Pedro Piñeiro Hermida (Alcalde de Rianxo), Antón Riveiro Coello (Presidente de Barbantia), Anxo Angueira (escritor) e mais o autor. Máis dun cento de persoas ateigaron a Casa de Cultura do Cuartel Vello para recibir esta interesante proposta literaria que vén recollida na Voz e en Vieiros.

O luns 5 de decembro na Casa de Cultura “Ramón Martínez López”, Barbantia presentou o primeiro número do Anuario de Estudos do Barbanza, un dos obxectivos principais da asociación. Noticia. Se queres coñecer algo dos contidos preme aquí.